Aur Akela Mein…






Chaar Diwaari, Tuuti Chaat Aur Akela Mein

Raat Ka Waqfa, Ek Muddat Aur Akela Mein

Ankhon Mein Kuch Beetay Pal Aur Ek Mera Woh Daur

Jaagtay Rehnay Ki Fursat Aur Akela Mein

Dhooein Mein Bhi Saaf Dikhay Saamnay Ki Dewaar

Us Pay Ghari Jo Hai Saakat Aur Akela Mein

Kuch To Adhoora Pan Mera Aur Kuch Bikhra Saaman

In Say ulajhnay ki wehshat, Aur Aleka Mein

Seher Ki Dastak Phir Say Howi Aur Guzar Gayi Ek Raat

Raatien Ginnay Ki Aadat Aur Akela Mein.

Iffi (Dec 21, 2001)

Advertisements